Ceyhun Sultanov: FİFA referisi belə səhvlərə yol verməməlidir

"Sumqayıt"ın meneceri Ceyhun Sultanov Topaz Premyer Liqasının 3-cü turundan təxirə salınmış "Qəbələ" ilə oyunun (0:2) hakimliyindən danışıb. Azerisport.az saytına açıqlamasında o, bunları söyləyib:

"FİFA referisi belə səhvlərə yol verməməlidir. İlk qol epizodunda ofsayd olduğunu görmək elə də çətin deyil. Mən VİP lojada oturmuşdum və orada oyundankənar vəziyyət olduğunu gödüm. Amma epizoda daha yaxın olan yan xətt hakimi bunu görmür. Belə hakimlik olmaz. Mən hakimlik barədə danışmaq istəməzdim. Amma belə bir hadisədən sonra susmaq da olmur. Çünki bu, matçın nəticəsinə birbaşa təsir edən səhvdir. Sözüm yoxdur. Onlar belə oyunlarda bu cür səhvlərə yol verirlərsə, beynəlxalq arenada necə çalışacaqlar?"