Neftçinin zədəli futbolçularından xəbər var
"Neftçi"nin tibbi-bərpa mərkəzi zədəli futbolçularla bağlı məlumat yayıb. Azerisport.az xəbər verir ki, məlumatda bunlar qeyd olunub:
Yarımmüdafiəçi Elşən Abdullayev müalicə və bərpa prosesini Almaniyanın Donauştaf vilayətində davam etdirir. Yekun bərpa müddəti həkim müayinəsindən sonra bəlli olacaq.
Topuğundan zədə almış Murad Ağayev də bərpa prosesi keçir. Yarımmüdafiəçinin sentyabrın 26-27-də komanda ilə məşqlərə başlayacağı planlaşdırılır.
Orxan Qurbanlı da həmçinin topuğundan zədələnmişdi. Lakin onun bərpa prosesini sentyabrın 27-28-də başa vuraraq komanda ilə məşqlərə qoşulması gözlənilir.
Aqşin Qurbanlı isə dizindən aldığı zədədən müalicə olunur. Yarımmüdafiəçinin fərdi məşqlərə sentyabrın 26-27-də start verməsi nəzərdə tutulub.
Dabanından zədələmiş Kamran Nəcəfzadə hazırda bərpa prosesi keçir.
Müdafiəçi Vançe Şıkovun topuğunun müalicəsi başa çatıb. Makedoniyalı futbolçu komanda ilə məşqlərdə iştirak edir.
