Dabonun dublu Qəbələni vahid liderə çevirdi
Bu gün Topaz Premyer Liqasında 3-cü turdan təxirə salınmış bir oyun keçirilib. Azerisport.az xəbər verir ki, “Qəbələ” doğma meydanda “Sumqayıt”la münasibətlərinə aydınlıq gətirib.
Meydan sahibləri bu oyunda qələbə qazanmaqla turnir cədvəlində vahid liderə çevrilə bilərdi. Sumqayıtlılar üçün isə səfərdə qazanılacaq 1 xal da böyük uğur hesab olunacaqdı. Qarşılaşmada uzun müddət pozulmayan sükutu yalnız 85-ci dəqiqədə meydan sahiblərinin forvardı Baqali Dabo pozub. O, beş dəqiqə sonra daha bir qol vurub. Doğma meydanda qazanılan inamlı qələbə "Qəbələ"ni çempionatın vahid liderinə çevirib.
Topaz Premyer Liqası
3-cü turun oyunu
22 sentyabr (cümə axşamı)
“Qəbələ” - “Sumqayıt” - 2:0 (0:0)
Qol: B.Dabo, 85 (1:0). B.Dabo, 90 (2:0).
Hakimlər: Rauf Cabbarov, Mübariz Haşımov, Rahil Ramazanov, Rəvan Həmzəzadə.
Qəbələ şəhər stadionu.
“Qəbələ”: 22. Dmitri Bezotosnı, 6. Rəşad Sadiqov (k), 10. Ruslan Qurbanov, 11. Asif Məmmədov, 13. Murad Musayev, 18. Baqali Dabo, 20. Rikardinyo, 27. Teo Uiks, 30. Petar Franyiç, 34. Urfan Abbasov, 44. Rafael Santos.
Ehtiyat oyunçular: 33. David Petrkeviç, 8. Qismət Alıyev, 9. Sergey Zenyov, 15. Vitali Vernidub, 17. Məhəmməd Mirzəbəyov, 19. Filip Ozobiç, 88. Tellur Mütəllimov.
Baş məşqçi: Roman Qriqorçuk.
“Sumqayıt”: 1. Fərhad Vəliyev, 3. Vurğun Hüseynov (k), 5. Seymur Əsədov, 7. Vaqif Cavadov, 10. Məhəmməd Qurbanov, 14. Bəxtiyar Həsənalızadə, 19. Azər Salahlı, 24. Amit Quluzadə, 25. Ayaz Mehdiyev, 66. Afşin İsmailzadə, 74. Yusif Nəbiyev.
Ehtiyat oyunçular: 94. Tərlan Əhmədli, 2. Rail Məlikov, 8. Nicat Muxtarov, 9. Amil Yunanov, 11. İbrahim Abednejad, 22. Mirabdulla Abbasov, 42. Kamran Abdullazadə.
Baş məşqçi: Samir Abasov.
