Hüseynqulu Quliyev: Dinamo 3 qol epizodu yaratdı, ikisindən yararlandı

"Qəbələ"nin U-19 komandasının baş məşqçisi Hüseynqulu Quliyev UEFA Gənclər Liqasının startında Moskva "Dinamo"suna (Rusiya) qarşı keçirdikləri oyunu (0:2) şərh edib. Azerisport.az xəbər verir ki, o, bunları söyləyib:

"Rəqibin fiziki cəhətdən güclü olduğunu bilirdik. Bunu nəzərə alıb, qonaqların qarşısını almağa çalışdıq. Nəyisə bacardıq, nəyisə yox. Rəqib üç qol epizodu yaratdı, onun ikisi qol oldu. Həmin epizodlarda qətiyyən bəxtimiz gətirmədi. Bizdə olan ən yaxşı futbolçular bu gün meydanda idilər. Həm müdafiədə, həm də hücumda səhvlərimiz oldu. Oyun ətrafında böyük ajiotaj var idi. Buna görə də uşaqlar həyəcanlı idilər. Uşaqlar topu qəbul edərkən gec qərar verdilər. Bu da ümumi nəticəyə təsirsiz ötüşmədi".