Murad Səttarlı: Belə oyunla bizə çətin olacaq

"Zirə"nin yarımmüdafiəçisi Murad Səttarlı Topaz Premyer Liqasının 5-ci turunda "Qarabağ"a qarşı keçirdikləri oyunu (0:2) şərh edib. Azerisport.az saytına açıqlamasında o, bunları söyləyib:

"Ölkənin ən yaxşı klubuna qarşı oynayırdıq. Rəqib qapısı qarşısında təhlükəli vəziyyətlər yaratmağa çalışsaq da, top ya rəqib futbolçulara dəyib qayıdırdı, ya da qapıdan yan keçirdi. "Qarabağ" isə ələ düşən şanslardan yararlandı və qələbə qazandı. Əlbəttə, belə oyunla bizə çətin olacaq. Amma inanıram ki, öz oyunumuzu tapa və arzuladığımız nəticəni qazana biləcəyik. Hazırda komandada Nelson Bonilya tipli hücumçunun olmamasına gəlincə, baş məşqçinin işinə qarışa bilmərəm. Amma bizə qol vurmaq indi bir qədər çətindir".