Kakau: Azərbaycan Tailanda qalib gələcək

Futzal üzrə Qazaxıstan yığmasının baş məşqçisi Kakau Azərbaycan millisinin DÇ-2016-nın 1/8 finalında Tailanda qarşı keçirəcəyi oyundakı şansları barədə danışıb. Azerisport.az saytına açıqlamasında o, bunları söyləyib:

"Azərbaycan DÇ-də çox yaxşı çıxış edir. Hətta deyərdim ki, DÇ-nin ən böyük sürprizidir. Hamı komandanızın İspaniyaya qarşı necə oynadığını gördü. Qarşıda Tailandla oyun var. Mənə elə gəlir ki, komandanız bu rəqibini dəqiq məğlub edəcək. Azərbaycan yığmasına cəlb olunan oyunçular çox yaxşı çıxış edirlər. Xüsusilə də Vassura. O, bütün oyunlarda özünü yaxşı tərəfdən göstərə bildi. Tyaqunu da xüsusi qeyd etmək olar. Bütövlükdə, braziliyalılar yaxşı oynayırlar".