Samir Abasov: Qəbələdə ən azı bir xal qazanmaq istəyirik

"Sumqayıt"ın baş məşqçisi Samir Abasov Topaz Premyer Liqasının 3-cü turundan təxirə salınmış "Qəbələ" ilə oyun öncəsi fikirlərini bölüşüb. Azerisport.az saytına açıqlamasında o, bunları söyləyib:

"Heyətdə itki yoxdur. Hazırda Qəbələyə gedirik. Komandada yaxşı atmosfer var. Sumqayıta elə bu əhval-ruhiyyə ilə də qayıtmaq istəyirik. "Kəpəz"lə oyundan çox vaxt keçmədiyi üçün müəyyən yorğunluq var. Bu gün Qəbələdə məşq edəcəyik və ümid edirəm ki, oyun saatına kimi heç bir yorğunluq qalmayacaq. Uduzmaq istəmirik. Bizim üçün hər xal vacibdir. Ən azından bir xal qazanmaq istəyirik".