Tailand yığmasının üzvü: Azərbaycanla oyunun favoritiyk

Futzal üzrə Tailand yığmasının üzvü Vivat Tayyaroen Kolumbiyada keçirilən dünya çempionatının 1/8 final mərhələsi çərçivəsində Azərbaycana qarşı keçirəcəkləri oyunu şərh edib. Azerisport.az saytına açıqlamasında o, bunları söyləyib:

"Fikrimcə, çox maraqlı oyun olacaq. Qələbə qazanmaq istəyirik. Amma Azərbaycan yığması zəif komanda deyil. Ona görə də bizə çətin olacaq. Komandamız meydançada çox intizamlı oyun sərgiləyir və konsentrasiyanı itirmir. Hesab edirəm ki, cütün favoriti məhz Tailand yığmasıdır. Azərbaycan yığmasına qalib gələcək gücdəyik. Rəqib haqqında yetərli məlumatımız da var".