Eratın komandası yenə xal itirdi

Almaniya üçüncü Bundesliqasında 8-ci turun oyunları keçirilib. Azerisport.az xəbər verir ki, Azərbaycan yığmasının yarımmüdafiəçisi Tuğrul Eratın komandası - "Duysburq" da növbəti matçına çıxıb.

Sözügedən klub doğma meydanda "Holştayn Kil"lə qarşılaşıb. Futbolçumuzun komandası bu oyundan heç-heçə ilə ayrılıb - 0:0.

Erat bu görüşə start heyətdə başlayıb və 67-ci dəqiqədə əvəzlənib.

Qeyd edək ki, 8 turdan sonra "Duysburq" 20 klub arasında 15 xalla 2-ci pillədə qərarlaşıb.