Muarem Muarem Zirə ilə matçın fasiləsində niyə əvəzlənib?

"Qarabağ"ın yarımmüdafiəçisi Muarem Muarem Topaz Premyer Liqasının 5-ci turu çərçivəsində qarşılaşdıqları "Zirə" ilə oyunun fasiləsində əvəzlənməsinə münasibət bildirib. Azerisport.az saytına açıqlamasında o, bunları söyləyib:

"Birinci hissədə ayağımda ağrılar hiss etdim. Amma oyunu davam etdirməyə qərar verdim. Fasilədə Qurban Qurbanova da oynamaq istədiyimi dedim. Amma fizioterapevtimiz ikinci hissəyə çıxmamağımı məsləhət gördü. Onun sözünə görə, zədəmi ağırlaşdıra bilərdim. Bunu, qarşıda vacib oyunlarımızın olduğunu nəzərə alıb, fasilədə əvəzlənməyimə qərar verildi. Ayağım bu gün də ağrıyır".