Kamranla Eminin komandası ev oyununda uduzdu

Futbol üzrə Portuqaliya Premyer Liqasında 5-ci turun oyunları keçirilib. Azerisport.az xəbər verir ki, azərbaycanlı futbolçular Kamran Ağayevlə Emin Mahmudovun komandası - "Boavişta" da növbəti matçına çıxıb.

Sözügedən klub doğma meydanda "Feyrense" ilə qarşılaşıb. Futbolçularımızın komandası bu oyundan məğlubiyyətlə ayrılıb - 1:2.

Kamranla Eminin adı bu matçın iştirak ərizəsinə daxil edilməyib.

Qeyd edək ki, "Boavişta" 5 turdan sonra 5 xalla 18 klub arasında 12-ci pillədə qərarlaşıb.