Elnur Cəfərov oynamadı, komandası liderliyi ələ keçirdi

Futbol üzrə Xorvatiya ikinci liqasında 6-cı turun oyunları keçirilib. Azerisport.az xəbər verir ki, azərbaycanlı futbolçu Elnur Cəfərovun komandası - "Duqopolye" də növbəti matçına çıxıb.

Sözügedən klub doğma meydanda "Şibenik"lə qarşılaşıb. Futbolçumuzun komandası bu oyundan qələbə ilə ayrılıb - 1:0.

Ötən tur 24 dəqiqə oynamış Elnur bu matçın iştirak ərizəsində yer almayıb.

Qeyd edək ki, "Duqopolye" geridə qalan turlarda topladığı 13 xalla 12 klub arasında 1-ci pillədə qərarlaşıb.