Yığmamız İspaniyaya böyük hesabla məğlub oldu

19 yaşadək qızlardan ibarət komandalar arasında Avropa çempionatının ilkin seçmə mərhələsində Azərbaycan yığması bu gün ikinci oyununu keçirib. Azerisport.az xəbər verir ki, millimiz Bakı Olimpiya Stadionunda İspaniya komandası ilə qarşılaşıb.

Qarşılaşma 7:0 hesabı ilə ispaniyalı futbolçuların xeyrinə başa çatıb. Qrupun digər oyununda bu gün saat 15:00-da Ukrayna Latviya ilə üz-üzə gələcək.

Xatırladaq ki, ilk turda yığmamız Ukraynaya 1:2 hesabıyla uduzmuş, İspaniya Latviyaya 18 cavabsız qolla qalib gəlmişdi.

Sentyabrın 20-də, saat 19:00-da yığmamız seçmə mərhələdəki son oyununda Latviya komandası ilə qarşılaşacaq.