Şahin Diniyev: Sumqayıtda qələbə qazanmaq çətin olacaq
"Kəpəz"in baş məşqçisi Şahin Diniyev Topaz Premyer Liqasının 5-ci turu çərçivəsində "Sumqayıt"a qarşı keçirəcəkləri oyun öncəsi fikirlərini bölüşüb. Azerisport.az saytına açıqlamasında o, bunları söyləyib:
"Heyətdə itkilərimiz var. Orxan Əliyevlə Tural Nərimanov zədə səbəbindən bizə kömək edə bilməyəcək. Orxanın yoxluğu bizim üçün daha ciddidir. Çünki o, 21 yaşadək futbolçulara qoyulan limit baxımından bizə çox faydalıdır. Bu baxımdan bizim problemimiz var. Qalan oyunçular isə oyuna hazırdırlar. "Sumqayıt"la bütün oyunlarımız gərgin keçir. Rəqib düşərgədə gənclərlə təcrübəli futbolçuların yaxşı sintezi təşkil olunub. Mən bu iki komandanın oyunlarını derbi adlandırardım. Yəni o dərəcədə gərginlik olur. Qələbə qazanmağa davam etmək istəyirik. Amma buna Sumqayıtda nail olmaq çox çətin olacaq".
