Milan Baroş: Qarabağ çox yaxşı oynadı
Çexiyanın "Slovan" klubunun hücumçusu Milan Baroş Avropa Liqasının qrup mərhələsi çərçivəsində "Qarbabağ"a qarşı keçirdikləri səfər oyunundan danışıb. Azerisport.az xəbər verir ki, o, 2:2 hesablı heç-heçədən sonra öncə bunları söyləyib:
"İkinci qol zamanı ofsayda düşməməyə çalışdım. Eqon Vuçun zərbəsi yaxşı idi. Amma rəqib qapıçı onu dəf edə bildi. Lakin son anda lazım olan yerdə idimvə topu qapıya göndərməyə nail oldum".
Baroşun sözlərinə görə, matçda vurduqları ilk qol onların özü üçün də sürpriz olub: "Matçın başlanğıcı pis olmadı. Biz oyun başlayan kimi pressinqə başladıq. Bir qədər də bəxtimiz gətirdi və biz topu ələ keçirdik. Mən Sikoraya ötürmə etdim, o da şansını boşa vermədi. Belə erkən qolu heç kim gözləmirdi. Əlbəttə, biz matçın əvvəlində qol vurmağı çox istəyirdik. Amma buna rekorda imza atmaqla nail olduq. Fikrimcə, məhz bu qol matçın gedişində bizə çox kömək etdi".
Təcrübəli hücumçu həmin qoldan sonra yaxşı oynaya bilməmələrini vurğulayıb: "Təəssüf ki, biz çox tez cavab qolunu buraxdıq. Hesabda öndə olduğumuz vaxt rəqib hirsli idi və biz bundan yararlanıb, daha da yaxşı oynamalı idik".
Çexiyalı forvard son saniyələrdə qələbəni əldən vermələrini belə şərh edib: "Futbol həm gözəl, həm də belə sərt oyundur. Bu oyunda üstünlüyümüzü qoruya bilmədik. "Qarabağ" çox yaxşı oynadı, xüsusilə də birinci hissədə. Biz fasilədən sonra daha çox hücum etməyə, kombinasiyalar qurmağa çalışdıq".
(Ceska Televize)
