Arif İsayev: Qəbələnin şansı çox azdır

"Qəbələ"nin sabiq yarımmüdafiəçisi Arif İsayev bu komandanın Avropa Liqasının qrup mərhələsi çərçivəsində uğur qazanmaq şanslarını dəyərləndirib. Azerisport.az saytına açıqlamasında o, bunları söyləyb:

"Real şanslar barədə danışsaq, "Qəbələ"nin bu qrupdakı şansı çox azdır. Amma mübarizə aparmaq olar. "Qəbələ" daha əvvəllər elə rəqiblərə qalib gəlib ki, bu klubları məğlub etmək əslində mümkünsüz görünürdü. Buna görə də "Qəbələ"yə yenə inanmaq lazımdır. Bu komandanın Belçikadan xalla qayıtması yaxşı olardı. İstərdim ki, "Qəbələ" də ilk oyunu evdə keçirsin. Amma Avroliqada bunun çox da ciddi fərqi yoxdur. Fikrimcə, "Qəbələ"yə qrup mərhələsində əsas problemi "Maynts" yaradacaq".