Vəli Qasımov: Hələ Neftçinin baş məşqçisiyəm, məndə başqa informasiya yoxdur

"Neftçi"nin baş məşqçisi Vəli Qasımovun azerisport.az saytına müsahibəsi

- Özünüzü necə hiss edirsiniz?
- Artıq yaxşıyam. Hər şey geridə qalıb. Artıq xəstəxanadan evə buraxılmışam. İşə çıxmağa hazırlaşıram.

- Siz hələ də "Neftçi"nin baş məşqçisiniz?
- Bəli. Məndə başqa informasiya yoxdur. Mətbuatda hər şey yaza bilərlər. İndi işə gedirəm. Nə olsa, orada öyrənəcəyəm.

- Deməli, sizə heç nə deyən olmayıb?
- Tezliklə sağalmağımı arzulayıblar. Başqa heç nə.

- "Neftçi" - "Qəbələ" matçını izləmisiniz?
- Bəli. Sizə deyim ki, komanda mənimlə belə uduzmazdı. Bunu birmənalı şəkildə deyirəm. Bu, böyük dəhşətlərdən biri idi.

- Futbolçuların çıxışı barədə nə deyərdiniz?
- Ehtimallar səsləndirə bilmərəm. Amma fakt budur ki, komanda çox istəksiz oynadı. "Neftçi" meydanda yox idi. Bircə "Qəbələ" var idi, o da sanki məşq edirdi.

- Mətbuatda sizin, Elnur Məmmədovun və Mübariz Xudiyevin qovulduğu bildirilir...
- Şübhəsiz ki, belə nəticədən sonra dəyişikliyə ehtiyac var idi. Hamımız "Neftçi"ni çox sevirik. Heç kim onu komandanı belə vəziyyətdə görmək istəməzdi. Belə davam edə bilməz.

- Siz buna hazırsınız?
- Vəziyyəti düzəltmək üçün lazım olan hər şeyi etmək lazımdır. Klubun Müşahidə Şurası var. Hər şeyə onlar qərar verməlidir.