Dino Ndlovu: Slovandan daha yaxşı komanda olduğumuzu göstərəcəyik
"Qarabağ"ın hücumçusu Dino Ndlovu Topaz Premyer Liqasının 4-cü turu çərçivəsində AZAL üzərində qazandıqları 6:0 hesablı qələbədən sonra jurnalistlərin suallarını cavablandırıb. Azerisport.az sizi həmin açıqlamalarla tanış edir:
- Matçla bağlı nə deyə bilərsiniz?
- Asan qələbə alındı. Matçın taleyi artıq ilk yarıda həll olunmuşdu. Üç qol vurduqdan sonra hər şey daha da rahat oldu.
- Komandanızın 6 qol vurduğu oyunda bir hücumçu kimi fərqlənə bilməməyiniz sizi məyus etmir?
- Xeyr. Əsas odur ki, qələbə qazandq. Mənim üçün bu, daha önəmlidir.
- Komandaya uyğunlaşa bilmisiniz?
- Bu, mənim üçün çətin proses deyil. Düzdür, bu gün qol vura bimədim. Amma bu, məyus olmağıma əsas vermir. Mənim də qol vurmaq üçün imkanım olacaq. Məsələn, elə növbəti oyunda buna nail ola bilərəm.
- Növbəti oyun Avropa Liqasının qrup mərhələsi çərçivəsində Çexiya "Slovan"ına qarşı olacaq...
- "Slovan"la matç tamamilə fərqli oyundur. Rəqibi öz meydanımızda qəbul edəcəyik. Uğurlu çıxış etmək üçün qələbə qazanmalıyıq.
- "Slovan"ın məşqçisi AZAL-la oyununuzu stadiondan izləyirdi...
- Bu, bizim üçün o qədər də vacib deyil. Rəqibi öz meydanımızda qəbul etməyimiz üstünlüyümüzdür. İnanıram ki, bu oyundan 3 xalla ayrıla biləcəyik.
- "Qarabağ"la "Slovan"ı bərabər səviyyəli komanda saymaq olar?
- Razı deyiləm. Biz onlardan daha yaxşıyıq. Qarşıdakı oyunda da bunu göstərəcəyik.
