Qəbələ Neftçini 8 qolla yendi
Topaz Premyer Liqasında 4-cü tur həyəcanı davam edir. Azerisport.az xəbər verir ki, ikinci oyun günündə daha bir görüş keçirilib.
Günün yeganə oyununda "Neftçi" Masazırdakı "Əlincə Arena"da "Qəbələ" ilə münasibətlərinə aydınlıq gətirib. Onsuz da çətin günlərini yaşayan paytaxt klubuna daha bir zərbə "Qəbələ"dən gəlib. Rəqibindən fərqli olaraq, güclü heyətə malik olan, uğurlu çıxışı ilə seçilən bölgə təmsilçisi bakılıları 8 cavabsız qolla məğlub edib.
Maraqlıdır ki, "Qəbələ"nin qollarından ikisinin müəllifi bir neçə gün öncə məhz "Neftçi"dən ayrılaraq bölgə təmsilçisinə keçən Ruslan Qurbanov vurub. Millimizin forvardı həm birinci hissənin, həm də bütövlükdə matçın yekun nəticəsini müəyyənləşdirən qollara imza atıb.
Topaz Premyer Liqası
4-cü tur
10 sentyabr (şənbə)
“Neftçi” - “Qəbələ” - 0:8 (0:5)
Qollar: B.Dabo, 5 (0:1). V.Vernidub, 10 (0:2). V.Vernidub, 16 (0:3). F.Ozobiç, 29 (0:4). R.Qurbanov, 45 (0:5). B.Dabo, 59 (0:6). V.Stankoviç, 70 (0:7). R.Qurbanov, 82 (0:8).
Hakimlər: Rəhim Həsənov, Namiq Hüseynov, Elman Musayev, Nahid Əliyev
Əlavə köməkçi hakimlər: Fariz Yusifov, Rauf Cabbarov
Masazır. “Əlincə Arena”.
“Neftçi”: 1. Krşevan Santini, 3. Jayro, 4. Rahil Məmmədov, 7. Araz Abdullayev (k), 9. Katalin Tira, 17. Rəhman Hacıyev, 27. Məqsəd İsayev, 30. Dario Melnyak, 80. Edson Kastilyo, 95. Elvin Bədəlov, 99. Denilson Pereyra.
Ehtiyat oyunçular: 53. Maksim Vaylo, 41. Ömər Buludov, 26. Kamal Qurbanov, 20. Eltun Yaqublu, 19. Fəhmin Muradbəyli, 10. Cavid İmamverdiyev, 5. Anton Krivotsyuk.
Məşqçi: Tofiq Mustafayev.
“Qəbələ”: 22. Dmitri Bezotosnı, 3. Voyislav Stankoviç, 4. Elvin Camalov, 6. Rəşad Sadiqov (k), 10. Ruslan Qurbanov, 11. Asif Məmmədov, 15. Vitali Vernidub, 17. Məhəmməd Mirzəbəyov, 18. Baqali Dabo, 19. Filip Ozobiç, 20. Rikardinyo.
Ehtiyat oyunçular: 33. David Petrkeviç, 7. Nika Kvekveskiri, 8. Qismət Alıyev, 9. Sergey Zenyov, 13. Murad Musayev, 30. Petar Franyiç, 34. Urfan Abbasov.
Baş məşqçi: Roman Qriqorçuk.
Turun digər oyunları: “Qarabağ” – AZAL - 6:0. 11 sentyabr (“Kəpəz” – “Zirə”, “Sumqayıt” – “İnter”).
