Qəbələnin rəqibi PSJ ilə sülh bağladı

Futbol üzrə Fransa çempionatında 4-cü turun oyunları keçirilib. Azerisport.az xəbər verir ki, Avropa Liqasının qrup mərhələsində "Qəbələ"nin rəqibi olan "Sent-Etyen" də növbəti matçına çıxıb.

Sözügedən komanda səfərdə PSJ ilə qarşılaşıb. "Qəbələ"nin rəqibi bu görüşdən heç-heçə ilə ayrılıb - 1:1. Məğlub durumda olan "Sent-Etyen"i 90-cı dəqiqədə Robert Beriçin qolu xilas edib.

Qeyd edək ki, "Sent-Etyen" 5 xalla 20 klub arasında 10-cu pillədə qərarlaşıb.