Adan Koronado: Qarabağı Meksikada da tanıyırlar

AZAL-ın yarımmüdadiəçisi Adan Koronado Topaz Premyer Liqasının 4-cü turu çərçivəsində qarşılaşacaqları "Qarabağ"la oyun öncəsi fikirlərini bölüşüb. Azerisport.az saytına açıqlamasında o, bunları söyləyib:

"Rəqibin çox güclü olduğu bəllidir. Bu rəqiblə görüşdə uğurlu nəticə qazanmaq üçün komanda olaraq meydanda var gücümüzü qoymalıyıq. "Qarabağ"dan xal almaq çox çətin olacaq, amma biz sonadək mübarizə aparacağıq. Yeri gəlmişkən, bu komandanı Meksikada da tanıyırlar. Çünki orada Avropa Liqasının oyunlarına baxırlar. "Qarabağ" da artıq üçüncü mövsümdə bu turnirin qrup mərhələsinə vəsiqə qazanır. Biz də bu ötən mövsüm avrokuboklara çıxmağa yaxın idik. Həmin istəyimizə bu il çatmağa çalışacağıq. AZAL həmişə şansdan maksimum yararlanmağa çalışan komandadır. Öz gücümüzə inanırıq. Bu mövsüm uğur qazanmaq istyirik. Başqa məqamları, pulu düşünmürük. İndi oynamaq lazımdır. Hətta maliyyə çətinlikləri də olsa, biz özümüz üçün oynamalıyıq ki, nəticə qazanaq".