Kaka: Azərbaycan DÇ-də qrupdan çıxsa, yaxşı yer tuta bilər

Futzal üzrə Azərbaycan yığmasının sabiq üzvü, hazırda Rusiyanın "Qazprom-Yuqra" klubunu çalışdıran Kaka millimizin Kolumbiyada keçiriləcək dünya çempionatının final mərhələsindəki şansları barədə danışıb. Azerisport.az saytına açıqlamasında o, bunları söyləyib:

"Azərbaycanın mundialda düşdüyü qrup çox çətindir. Rəqiblərinin hər üçü güclüdür. Amma Azərbaycan yığmasının səviyyəli və keyfiyyətli məşqçi, oyunçu heyəti var. Onlar istənilən çətinliyin öhdəsindən gələ bilərlər. Məsələn, Telles, Vassura, Bolinya kimi çox güclü oyunçular var. Azərbaycan bu qrupdan çıxsa, deməli, doğrudan da çox güclü komandadır, daha böyük uğurlar qazanmağa qadirdir. Tamamilə mümkündür ki, komanda qrupdan çıxsa, mundialı yaxşı yerdə başa vura bilər".