Şəhriyar Əliyev: İlk qələbəmizi qazanmaq istəyirik

Topaz Premyer Liqasında DÇ-2018-in seçmə mərhələsinin oyunları səbəbindən yaranan fasilə başa çatır. Azerisport.az xəbər verir ki, həftəsonu çempionatda 4-cü turun oyunları keçiriləcək.

“Kəpəz” tur çərçivəsində Gəncədə “Zirə”ni qəbul edəcək. Qarşıdakı oyunla “sarı-göylər”in futbolçusu Şəhriyar Əliyev klub saytına açıqlama verib:

“Fasilə dövründən maksimum istifadə etməyə çalışdıq. Müddət çox olsa da, oyun təcrübəsini itirməmək üçün iki yoxlama matçı keçirdik. Belə görüşlərdə nəticə önəmli deyil, əsas olan oynadığımız futboldur. Komanda qarşıdakı çempionat oyununa yaxşı hazırlaşır. Oyunun mahiyyətini bilirik, ona görə də bütün fikrimiz məşqlərə yönəlib. Çempionatda ilk qələbəmizi qazanmaq istəyirik. Bu qələbə həm də bizə turnir cədvəlində yerimizi yaxşılaşdırmağa imkan verəcək”.