Azərbaycanın sabahkı rəqibi Türkiyəyə qalib gəldi

Çimərlik futbolu üzrə FIFA Dünya Kuboku-2017 turnirinin İtaliyanın Yezolo şəhərində təşkil olunmuş Avropa komandaları arasında seçmə mərhələsinin ikinci raundunda Azərbaycan milli komandasının yer aldığı qrupda daha bir oyun keçirilib. Azerisport.az xəbər verir ki, İsveçrə və Türkiyə yığmalarının oyununda birincilər 6:5 hesablı qələbəyə seviniblər.

Qeyd edək ki, Azərbaycan yığması sabah məhz İsveçrə ilə üz-üzə gələcək.

Millimiz bu gün keçirdiyi ilk oyunda İspaniyaya 4:2 hesabıyla qalib gəlib.