Yığmamız Farer adaları ilə evdə bacarmadı
Bu gün 21 yaşadək futbolçulardan ibarət yığma komandalar arasında AÇ-2017-nin seçmə mərhələsinin növbəti oyunları keçirilib. Azerisport.az xəbər verir ki, 7-ci qrupda mübarizə aparan Azərbaycan yığması da növbəti matçına çıxıb.
Yaşar Vahabzadənin yetirmələri son ev oyununda Farer adaları ilə münasibətlərinə aydınlıq gətirib. Qrupda üçüncü yeri tutmaq şansını saxlayan komandamız bunun üçün səfərdə 1:0 hesabıyla məğlub etdiyi zəif rəqibinə növbəti dəfə qalib gəlməyə borclu idi.
Amma qarşılaşma komandamız üçün uğursuz başlayıb. İlk yarıda rəqib komanda əks-hücumda hesabı açıb. Uzun müddət bu qola cavab verməyə çalışan futbolçularımız yalnız 88-ci dəqiqədə istəklərinə çata biliblər. Bundan sonra qarşılaşmada başqa qol vurulmayıb və oyun heç-heçə bitib.
AÇ-2017-nin seçmə mərhələsi
7-ci qrup
6 sentyabr
Azərbaycan – Farer adaları - 1:1 (0:1)
Qollar: A.M.Olsen, 40 (0:1). M.Mədətov, 88 (1:1).
Sarı vərəqə: Y.Hansen, 19. D.Lanqqaard, 66. E.Camalov, 86. T.Yakobsen, 86.
Hakimlər: Dmitri Muntyan, Vitali Qorbatov, Vlad Lifçiu, Yuri Kovtun (hamısı Moldova).
Hakim-inspektor: Stanislav Suxina (Rusiya).
UEFA nümayəndəsi: Yevgeni Tratsyuk (Belarus).
Bakı. “Dalğa Arena”.
Azərbaycan: 1. Şahruddin Məhəmmədəliyev, 2. Rahil Məmmədov, 5. Sadiq Quliyev, 6. Vüqar Mustafayev, 7. İltər Taşkın, 9. Elnur Cəfərov (19. Orxan Əliyev, 46), 10. Namiq Ələsgərov, 11. Mahir Mədətov, 16. Elvin Camalov, 17. Abbas Hüseynov (23. Fəhmin Muradbəyli, 77), 20. Azər Salahlı (k).
Ehtiyat oyunçular: 22. Tərlan Əhmədli, 4. Sertan Taşkın, 13. Tural Hümbətov, 15. Kamal Mirzəyev, 21. Budaq Nəsirov.
Baş məşqçi: Yaşar Vahabzadə.
Farer adaları: 1. Niklas Tomsen, 3. Ari Mohr Olsen, 4. Andreas Eriksen (k), 5. Hordur Askham, 6. Yonas Hansen, 7. Yoannes Byartalid (10. Hannes Aqnarsson, 73), 9. Yakup Tomsen, 11. Teit Yakobsen (16. Maqnus Eqilsson, 90+3), 13. Boqason Dam, 15. Yakup Olsen (8. Patrik Yohannesen, 90+6), 18. David Lanqqaard.
Ehtiyat oyunçular: 12. Karstin Hansen, 14. Yakup Hansen, 17. Petur Knudsen.
Baş məşqçi: Bill Yakobsen.
