Araz Abdullayev: Qışa kimi Azərbaycandayam

Azərbaycan yığmasının yarımmüdafiəçisi Araz Abdullayev DÇ-2018-in seçmə mərhələsi çərçivəsində San Marinoya qarşı keçirəcəkləri səfər oyunu ilə bağlı fikirlərini bölüşüb. Azerisport.az xəbər verir ki, o, bunları söyləyib:

"Oyuna hazırlıq yaxşı gedir. Məşqçilərimiz şans versə, oynamağa hazıram. Yığmada hər şey fərqlidir. Klubdan hansı əhval-ruhiyyə ilə gəlməyimizin fərqi yoxdur. Qələbə qazanmağa çalışacağıq. Yenilər də yaxşı təsir bağışlayır.

Transfer pəncərəsi artıq bağlanıb. Ona görə də qışa qədər Azərbaycanda oynayacağam. İndi ancaq yığmanın oyununu düşünürəm".