Ruslan Qurbanov: Qəbələyə və milliyə faydalı olmaq, futbolçu kimi artırmaq istəyirəm
Milli komandamızın hücumçusu Ruslan Qurbanov "Qəbələ"yə keçidindən söz açıb. Azerisport.az saytına açıqlamasında o, bunları söyləyib:
"Qəbələ"yə keçdiyim üçün çox şadam. Roman Qriqorçukla çalışmaq, futbolçu kimi inkişaf etmək, klubuma, Azərbaycan yığmasına faydalı olmaq istəyirəm. İndi ancaq San Marino ilə oyun barədə düşünürəm. Bu görüşdən 3 xalla ayrılmaq istəyirik. Ondan sonra isə yeni klubumun oyunlarına köklənməli olacağam.
Başqa klublardan da təklif almışdım. Avstriyanın "Şturm", Xorvatiyanın "Hayduk" klubundan təklif var idi. Rusiya variantı da vardı. Amma mən "Qəbələ"ni seçdim. Çünki Qriqorçukla çalışmaq istəyirdim. Onunla dil tapmağımızda da problem olmayacaq. Axı mən rus dilindən başqa dil bilmirəm.
San Marino ilə görüşə gəlincə, səfərdən ancaq qələbə ilə qayıtmağa çalışacağıq. Seçmə mərhələyə uğurlu start vermək istəyirik. Tsiklə necə başlasaq, elə də davam edəcəyik. Artıq söz-söhbətin olmaması üçün əlimizdən gələni edəcəyik. San Marino ilə görüşdə həm də uğursuz gedişata son qoymalıyıq".
