Arazın Astraya keçidinə nə mane olur?

Xəbər verdiyimiz kimi, yığma komandamızın və "Neftçi"nin yarımmüdafiəçisi Araz Abdullayevin Rumıniyanın "Astra" klubuna keçidi düyünə düşüb. Azerisport.az xəbər verir ki, artıq bu keçidin niyə alınmamasına dair versiyalar da üzə çıxıb.

Bəzi məlumatlara görə, Rumıniya klubuna bu yay transfer qadağası qoyulduğu üçün Arazın da keçidi baş tutmayıb. Lakin maraqlıdır ki, "Astra" elə bu yay bir neçə transfer həyata keçirib. Məsələn, azad agent statusu daşıyan 19 yaşlı Vlatko Laziçin keçidini misal çəkmək olar. Hansı ki, buna qədər o, Hollandiyanın "NAK Breda" klubunda çıxış etmişdi.

Üstəlik, Rumıniya mətbuatında da "Astra"ya hansısa transfer qadağası qoyulması barədə məlumata rast gəlmək olmur. "Prosport.ro" portalında isə baş məşqçi Marius Şumudike Yunanıstanın "Olimpiakos" klubundan argentinalı Nikolas Martinesi almaq istəmələrini şərh edib.

Bu üzdən də Arazın Rumıniya klubuna transferi ilə bağlı əsl anlaşılmazlıq yaranıb. "Astran"nın maliyyə problemlərinin olması məlumdur. Çox güman ki, Araz özü məhz buna görə sözügedən kluba keçmək istəmir. Hər halda əls həqiqət tezliklə üzə çıxacaq.