Qəbələ avqustun sonuna kimi istirahət edəcək

"Qəbələ" Avropa Liqasının pley-off mərhələsi çərçivəsində Sloveniya "Maribor"una qarşı keçirdiyi səfər oyunundan sonra istirahətə buraxılıb. Azerisport.az xəbər verir ki, baş məşqçi Roman Qriqorçuk komandasına avqustun 31-nə kimi istirahət verib.

Bölgə təmsilçisi ayın son günündə bir araya gəlib, hazırlığa start verəcək. Amma komandanın Premyer Liqadakı fasilə dövründə harada toplanış keçəcəyinə hələlik, aydınlıq gəlməyib.

"Qəbələ"nin toplanış dövründə bir yoxlama oyunu keçirməsi də nəzərdə tutulub.