Millimiz İngiltərə yığmasını da məğlub etdi

Çimərlik futbolu üzrə Azərbaycan milli komandası İtaliyanın Kataniya şəhərində təşkil olunmuş Avropa Liqasının Super Final mərhələsində bu gün ikinci oyununu keçirib. Azerisport.az xəbər verir ki, millimiz İngiltərə yığması ilə görüşüb.

Komandamız bu rəqibini Sabir Allahquliyev və Hikmət Bağırovun vurduğu qollarla 2:0 hesabı ilə məğlub edib.

Dünən turnirdəki ilk oyununda futbolçularımız Türkiyə komandasına 5:3 hesabı ilə qalib gəlmişdi.

Millimiz növbəti oyununu avqustun 27-də, saat 13:30-da Çexiya yığmasına qarşı keçirəcək.