Yorgen Lennartsson: Qarabağ qələbəyə layiq idi

İsveçin "Qöteborq" klubunun baş məşqçisi Yorgen Lennartsson Avropa Liqasının pley-off mərhələsi çərçivəsində "Qarabağ"a qarşı keçirdikləri cavab oyunundan (0:3, ilk oyun 1:0) sonra fikirlərini bölüşüb. Azerisport.az xəbər verir ki, o, bunları söyləyib:

- Rəqibi təbrik edirəm. Yaxşı oynadılar, qələbəyə layiq idilər. "Qarabağ"ın səviyyəli oyunçuları var. Matça yaxşı başlamışdıq. Amma künc zərbəsindən sonra qol buraxdıq. Ondan sonra "Qarabağ"ın qarşısını almaq çətinləşdi. Riçard Almeyda sakitcə İngiltərə Premyer Liqasında oynaya bilər.

- Qazonun durumu oyununuza təsir etdi?
- Hər iki komanda eyni şərtlər altında oynayırdı. Amma biz uduzduq. Məyusam, amma güclü komandaya uduzanda bunu o qədər də problemə çevirmirəm.

- Matçdan öncə belə məğlubiyyəti gözləyirdiniz?
- Mərhələ adlayacağımıza ümidli idim. Amma iki erkən qol şanslarımızın üstündən xətt çəkdi. "Mançester Yunayted"lə düşsəniz, onlara... (bu məqamda isveçli mütəxəssis "onlara göstərərsiniz" jestini nümayiş etdirdi).