Erat oynamadı, komandası kubokda mübarizəni startdaca dayandırdı

Futbol üzrə Almaniya Kubokunda birinci mərhələnin oyunları keçirilib. Azerisport.az xəbər verir ki, Azərbaycan yığmasının yarımmüdafiəçisi Tuğrul Eratın komandası - "Duysburq" da ilk kubok matçına çıxıb.

Sözügedən komanda "Yunion Berlin"lə qarşılaşıb. Görüş futbolçumuzun komandasının məğlubiyyəti ilə başa çatıb - 1:2. Nəticədə, "Duysburq" kubokda mübarizəni startdaca dayandırmalı olub.

Erat bu görüşün iştirak ərizəsində yer alsa da, meydana çıxmayıb.