Yorgen Lennartson: Hədəf qalib gəlib, qol buraxmamaq idi, ona da nail olduq

İsveçin "Qöteborq" klubunun baş məşqçisi Yorgen Lennartson Avropa Liqasının pley-off mərhələsi çərçivəsində "Qarabağ"a qarşı keçirdikləri ilk oyunu şərh edib. Azerisport.az xəbər verir ki, o, öncə bunları söyləyib:

"Nəticədən çox razıyam. Hədəfimiz qələbə qazanmaq və qapımızı toxunulmaz saxlamaq idi. Buna da nail olduq".

"Qarabağ" topa daha çox nəzarət etdi və bütövlükdə, meydanda dominantlıq edən tərəf idi. Amma oyunun əvvəllini həddən artıq müdafiədə keçirmək planlarımıza daxil deyildi. Tədricən öz cərimə meydançamızdan çıxmağı, bərabər səviyyəli oyun sərgiləməyi bacardıq".

"İkinci yarıda hücum xəttində nəsə etməyə çalışırdıq. Amma eyni zamanda onu da anlayırdıq ki, buna çox aludə olsaq, qarşılığı pis ola bilər. Çünki rəqibin çox sürətli və texnikalı futbolçuları var".

"Biz hesabı açdıqdan sonra rəqib qol vurmaq üçün bir qədər də aqressiv oyun göstərməyə çalışdı. Amma biz layiqli mübarizə apardıq. Belə oyunlarda da məhz bu cür çıxış etmək lazımdır".

"Futbolçularımızın oyunundan çox razı qaldım. Amma unutmayaq ki, bizi hələ qarşıda cavab oyunu var. Artıq biz növbəti 93-94 dəqiqəyə və Bakının 35 dərəcə istisinə hazırlaşmalıyıq. Orada bizi nə gözlədiyini bilirik. Səfərdə bir qol vursaq, rəqib üçün onun əvəzini çıxmaq ikiqat çətin olacaq".