Filip Ozobiç: Qəbələnin uğur qazanması mənim qol vurmağımdan daha vacibdir

"Qəbələ"nin yarımmüdafiəçisi Filip Ozobiç Avropa Liqasının pley-off mərhələsi çərçivəsində Sloveniyanın "Maribor" klubuna qarşı keçirəcəkləri ilk oyundan danışıb. Azerisport.az saytına açıqlamasında o, bunları söyləyib:

"Oyuna həm fiziki, həm də psixoloji baxımdan tam hazırıq. Səbrsizliklə matçın başlamasını gözləyirik. Bizi konkret hansı nəticənin qane edəcəyini deyə bilmərəm. Amma istənilən halda biz uğurlu nəticəyə, qələbə qazanmağa çalışacağıq. Əlbəttə, "Lill" ilə oyunda olduğu kimi, "Maribor"a da qol vurmaq istəyirəm. Amma mənim üçün "Qəbələ"nin uğuru daha önəmlidir. Kapitanımız Rəşad Sadiqovun yoxluğuna gəlincə, biz onun üçün daha yaxşı oynamağa çalışacağıq".