Novakoviç: Qəbələ ilə eyni şansa malikik

Sloveniyanın "Maribor" klubunun hücumçusu Milivoe Novakoviç Avropa Liqasının pley-off mərhələsi çərçivəsində "Qəbələ"yə qarşı keçirəcəkləri oyunlardan danışıb. Azerisport.az saytına açıqlamasında o, bunları söyləyib:

"Qəbələ" ilə qarşıdakı oyunlara hazırıq və səbrsizliklə matçın başlamasını gözləyirik. Komandamızda atmosfer yaxşıdır. Hər kəs yaxşı nəticə qazanmağa köklənib. Etiraf edim ki, hələ rəqibin heç bir oyununu görməmişəm. Amma təbii ki, məşqçilərimiz lazım olan hər bir məlumatı bizə çatdıracaqlar. İstənilən halda "Qəbələ" "Maribor" üçün çox güclü rəqibdir. Biz hər iki oyuna final gözü ilə baxmalıyıq. Bu cütün favoriti yoxdur, şanslar bərabərdir".