Samir Məsimovsuz Domjale liderliyə yüksəldi

Futbol üzrə Sloveniya çempionatında 5-ci turun oyunları keçirilib. Azerisport.az xəbər verir ki, azərbaycanlı futbolçu Samir Məsimovun komandası - "Domjale" də növbəti matçına çıxıb.

Sözügedən klub doğma meydanda "Koper"lə qarşılaşıb. Futbolçumuzun komandası bu oyundan qələbə ilə ayrılıb - 2:0.

Samir ilk 4 turda olduğu kimi, bu oyunun da iştirak ərizəsində yer almayıb.

Qeyd edək ki, "Domjale" 5 turdan sonra 11 xalla 10 klub arasında 1-ci pillədə qərarlaşıb.