Qəbələnin rəqibi məğlub oldu

Futbol üzrə Sloveniya çempionatında 5-ci turun oyunları keçirilib. Azerisport.az xəbər verir ki, Avropa Liqasının pley-off mərhələsində "Qəbələ"nin rəqibi olan "Maribor" da növbəti matçına çıxıb.

Sözügedən komanda səfərdə "Qoritsa" ilə qarşılaşıb. Oyun "Qəbələ"nin rəqibinin 1:2 hesablı məğlubiyyəti ilə başa çatıb.

Qeyd edək ki, əvvəlki turlarda 2 qələbə qazanıb, 2 heç-heçəyə razılaşan "Maribor" yeni mövsümdə ilk dəfə məğlub olub.

"Qəbələ" ilə "Maribor" arasındakı ilk oyun avqustun 18-də Bakıda keçiriləcək.