Rəşad Sadiqov: Mariborla cavab matçına hazır olmağa çalışacağam

"Qəbələ"nin kapitanı Rəşad Sadiqov bu gün baş tutan azarkeşlərlə görüşdən danışıb. Azerisport.az xəbər verir ki, o, bunları söyləyib:

"Belə görüşlərdə iştirak etmək xoşdur. Azarkeşlərlə müxtəlif oyunlar keçirdik. Amma məncə real həyatdakı Rəşad komputerdəkindən daha güclüdür (gülür).

Sloveniya "Maribor"u ilə Avroliqa oyunlarına gəlincə, təəssüf ki, ilk oyunda meydana çıxa bilməyəcəyəm. Bu, məni məyus edir. Amma cavab oyununa qədər tam hazır olmağa çalışacağam. Qol da vura bilməsəm, əsas komandamızın uğur qazanmasıdır. "Qəbələ" bu mövsüm ötən illə müqayisədə daha güclüdür".