Amil Yunanov: Qarabağa da qalib gəlməyə çalışacağıq

"Sumqayıt"ın hücumçusu Amil Yunanov Azərbaycan Premyer Liqasının 2-ci turu çərçivəsində "Qarabağ"a qarşı keçirəcəkləri oyunla bağlı fikirlərini bölüşüb. Azerisport.az saytına açıqlamasında o, bunları söyləyib:

"Bizi öz meydanımızda çətin mübarizə gözləyir. "Qarabağ" çox güclüdür, amma buna baxmayaraq, onlara qalib gəlməyə çalışacağıq. Evdə oynayırıqsa, qələbə qazanmalıyıq, azarkeşlərimizi sevindirməliyik. Birinci turda da "Zirə"yə qalib gəlmək istəyirdik, buna nail olduq. Halbuki, çox çətin oyun idi. "Qarabağ"ın "İnter"lə oyununu izləmişəm, maraqlı matç alındı".