Qəbələ və Neftçinin birgə məlumatı
"Qəbələ" İK və "Neftçi" PFK birgə məlumat yayıblar. Azerisport.az xəbər verir ki, hər iki klubun rəsmi saytında yer alan açıqlamada bildirilir:
"Mövsüm ərzində fasiləsiz olaraq oyunların təşkil edildiyi stadionlar müəyyən vaxtlarda rennovasiya işləri üçün bağlanılır. Bildiyiniz kimi artıq bəzi klublarımız mövsüm bitdikdən sonra ev oyunlarını keçirdikləri stadionlarda bu işləri həyata keçirməyə başlayıblar. “Bakcell Arena”da isə rennovasiya işlərinin aparılması “Qəbələ” və “Neftçi” klublarının Avropa Liqasında çıxışı səbəbindən mümkün olmamışdı.
Hava şəraitinin isti keçməsi stadionda rennovasiya işlərinin görülməsi zərurətini meydana çıxarmışdı.
“Qəbələ” İK və “Neftçi” PFK nümayəndələri 09.08.2016-cı il tarixində “Bakcell Arena”nın ot örtüyünə baxış keçirərək burada oyunların keçirilməsini məqsədəuyğun hesab etməyiblər.
Rennovasiya işləri ilə əlaqədar “Qəbələ” Avropa Liqasının pley-of mərhələsi matçını, “Neftçi” isə ölkə çempionatının oyunlarını digər stadionlarda keçirəcək.
