Samir Abasov: Kamran Ağayev hələ hazır deyil

"Sumqayıt"ın baş məşqçisi Samir Abasov bəyan edib ki, yığmamızın qapıçısı Kamran Ağayev sabah Premyer Liqanın 2-ci turu çərçivəsində qarşılaşacaqları "Qarabağ"a qarşı oyunda meydana çıxmayacaq. Azerisport.az saytına açıqlamasında o, bunu belə izah edib:

"Sabah o, heç heyətə də düşməyəcək. Məsələ burasındadır ki, o, hələ hazır deyil. Məşq çatışmazlığı var. Bu üzdən də ona vaxt lazımdır. Hazırda öz üzərində çalışır".