Sumqayıtdan Kamran Ağayev açıqlaması

"Sumqayıt" Futbol Klubu Azərbaycan yığmasının qapıçısı Kamran Ağayevi rəsmən təqdim edib. Azerisport.az xəbər verir ki, klub saytı bu transferlə bağlı açıqlamasında bunları qeyd edib:

"Komandamız daha bir futbolçu ilə güclənib. Klubumuz yığmamızın qapıçısı Kamran Ağayevi heyətinə qatıb. 30 yaşlı qolkiperlə 1 illik müqavilə imzalanıb.

2008-ci ildən Azərbaycan millisinin şərəfini qoruyan Kamran Ağayev yığmamızla 60 dəfə meydana çıxıb".

Qeyd edək ki, Ağayevin sumqayıtlılarla müqavilə imzaladığını ötən gün xəbər vermişdik.