Fərrux İsmayılov: Qəbələ və Qarabağın pley-offda uğurlu çıxışına inanıram

Azərbaycan yığmasının sabiq hücumçusu Fərrux İsmayılov "Qarabağ" və "Qəbələ"nin Avropa Liqasının qrup mərhələsinə vəsiqə qazanmaq şanslarını dəyərləndirib. Azerisport.az saytına açıqlamasında o, bunları söyləyib:

"Fikrimcə, püşkatma bizim üçün uğurlu oldu. İnanıram ki, "Qarabağ" İsveç "Qöteborq"unu keçəcək. "Qəbələ"yə Sloveniya "Maribor"u ilə mübarizə çətin olacaq. Amma komandamız daha güclü rəqiblə də düşə bilərdi. "Maribor" ölkəsində hamıdan çox çempion olmuş komandadır. Amma bu rəqibə qarşı oynamaq olar. Həm də "Qəbələ" bu mövsüm çox gözəl oyun sərgiləyir. Məndə hər iki klubumuzun Avroliqanın pley-off mərhələsində uğurlu çıxış edəcəyinə inam var".