Qöteborqun kapitanı: Reynaldo Qarabağın ən yaxşısıdır

Avropa Liqasının pley-off mərhələsində "Qarabağ"ın rəqibi olan İsveçin "Qöteborq" klubunun baş məşqçisi Mattias Byarmyur qarşıdakı oyunlarla bağlı fikirlərini bölüşüb. Azerisport.az saytına açıqlamasında o, bunları söyləyib:

"Komandamız püşkün nəticəsindən razı qaldı. Ukrayna "Şaxtyor"u ilə düşmədiyimizə sevindik. Ukraynaya səfər heç də sevindirici olmazdı. Çünki bizə qarşı çox güclü rəqib mübarizə aparacaqdı. Eyni zamanda Təl-Əviv "Makkabi"si ilə də (İsrail) düşməyimizi istəmirdik".

Təcrübəli müdafiəçi "Qarabağ" barədə də danışıb: "Qarabağ" kimi komandalar kifayət qədər müəmmalı olur. Birincisi, rəqibi yaxşı tanımırsan. İkincisi, bu rəqiblərlə səfər oyunu üçün uzun yol qət etməli olursan. Bizi də təxminən 5 saatlıq uçuş gözləyir. Amma bu, bizi məyus etməməlidir. Püşkatma bitən kimi bu komandanı araşdırmaq üçün internetdə axtarış etdim. Onların heyətində braziliyalı futbolçular var. Onlardan biri Reynaldodur. Deyəsən, o, komandanın ən yaxşı futbolçusudur".

"Əvvəllər heç vaxt Azərbaycanda olmamışam. Bu, yeni bir təcrübə olacaq. Paytaxt Bakı şəhərini də görmək imkanımız olacaq. Orada nəyin necə olduğunu görmək maraqlı gəlir".

Kapitan onu da bildirib ki, "Qöteborq" Avroliqanın qrup mərhələsində oynamaqda iddialıdır: "Bizi çox maraqlı 180 dəqiqə gözləyir. Qrup mərhələsinə çox yaxınıq. Bura qədər gəlmişiksə, sonadək mübarizə aparıb, hədəfimizə çatmalıyıq".