Qarabağla Qəbələ pley-offda ilk matçla bağlı öz aralarında razılığa gəlməlidi

Avropa Liqasının pley-off mərhələsinin püşkatmasının nəticəsinə görə, Azərbaycanın bu turnirdəki təmsilçiləri - "Qarabağ"la "Qəbələ" müvafiq olaraq İsveç "Göteborq"u və Sloveniya "Maribor"u ilə cavab oyununu doğma meydanda keçirməlidir. Azerisport.az xəbər verir ki, UEFA eyni şəhərdə bir gündə iki avrokubok matçının keçirilməsinə icazə vermir.

Buna görə də ya klublarımızdan hansısa ilk oyunu evdə keçirməli, ya da fərqli gündə meydana çıxmalıdırlar. İlk oyunu evdə keçirəcək komandanı müəyyənləşdirmək üçün "Qarabağ" və "Qəbələ" klubları öz aralarında razılığa gəlməlidir. Belə bir razılıq əldə olunmayacağı halda isə, üstünlük "Qarabağ"da olacaq. Son çempion kimi Ağdam klubu elə püşkün nəticəsinə uyğun olaraq, ilk matçını səfərdə, cavab matçını evdə keçirəcək.

Digər variant isə komandalarımızın ev oyunlarını fərqli gündə keçirməsidir. Belə olan halda da "Qəbələ"nin oyun günü dəyişdiriləcək. Roman Qriqorçukun komandası ev oyununu avqustun 25-də yox, ya 23-də, ya da 24-də keçirməli olacaq.

Qeyd edək ki, ilk oyunlar avqustun 18-də keçiriləcək.