Qəbələ Avroliqanın pley-offunda!
Bu gün Avropa Liqasında üçüncü təsnifat mərhələsinin cavab oyunları keçirilib. Azerisport.az xəbər verir ki, Azərbaycanın bu turnirdəki təmsilçisi “Qəbələ” də növbəti matçına çıxıb.
Komandamız öz meydanında Fransanın “Lill” klubunu qəbul edib. Səfərdə bu rəqibi ilə 1:1 hesablı heç-heçəyə nail olan Roman Qriqorçukun yetirmələrinə pley-offa çıxmaq üçün hətta qolsuz heç-heçə də bəs edirdi. Hər halda komandamız güclü rəqibi ilə mübarizədə mərhələ adlamaq üçün gözəl şans əldə etmişdib və bu şansı əldən verməyəcəyinə ümid böyük idi.
Xoşbəxtlikdən cavab oyunu da komandamız üçün uğurlu alındı. Ozobiçin vurduğu qolla doğma meydanda güclü rəqibinə qalib gələn "Qəbələ" böyük sensasiyaya imza ataraq, "Lill"i mübarizədən kənarlaşdırdı və adını Avroliqanın pley-offuna yazdırdı.
Avropa Liqası
Üçüncü təsnifat mərhələsinin cavab oyunu
4 avqust
“Qəbələ” - “Lill” - 1:0 (1:0)
Qol: F.Ozobiç, 34 (1:0).
Sarı vərəqə: M.Amalfitano, 26. N.Kvekveskiri, 44. Y.Sanxare, 87. A.Məmmədov, 90+4.
Hakimlər: Aleksey Yeskov, Dmitri Mosyaqin, İqor Demeşko, Vladimir Moskalev (hamısı Rusiya).
Hakim-inspektor: Oleq Çuykin (Belarus).
UEFA nümayəndəsi: Vasko Dojçinovski (Makedoniya).
Bakı. 8-ci km qəsəbə stadionu.
İlk oyun – 1:1.
"Qəbələ": 22. Dmitri Bezotosnı, 3. Voyislav Stankoviç, 6. Rəşad Sadiqov (k), 7. Nika Kvekveskiri, 9. Sergey Zenyov, 15. Vitali Vernidub, 17. Məhəmməd Mirzəbəyov, 18. Baqali Dabo, 19. Filip Ozobiç (11. Asif Məmmədov, 77), 20. Rikardinyo, 27. Teo Uiks.
Ehtiyat oyunçular: 33. David Petrkeviç, 4. Elvin Camalov, 13. Murad Musayev, 32. Rəşad Eyubov, 34. Ürfan Abbasov, 44. Rafael.
Baş məşqçi: Roman Qriqorçuk.
"Lill": Vinsent Enyeama, 2. Sebastyan Korşya, 5. Renato Çivelli (k), 6. İbraim Amadu, 8. Munir Obbadi (4. Yunus Sanxare, 64), 10. Morqan Amalfitano (9. Yassin Benzia, 73), 11. Erik Botok (20. Rayan Mendeş, 64), 12. Julian Palmieri, 17. Markuş Lopeş, 19. Eder, 23. Adama Sumaoro.
Ehtiyat oyunçular: 16. Mayk Menyan, 13. Stoppila Sunzu, 18. Frank Beriya, 24. Rio Mavuba.
Baş məşqçi: Frederik Antonetti.
