Sedat Şaini: Qarabağın pley-offa çıxacağına inanıram

"Qarabağ"ın sabiq yarımmüdafiəçisi Sedat Şaini Ağdam klubunun ÇL-in 3-cü təsnifat mərhələsi çərçivəsində Çexiya "Viktoriya"sı ilə cavab matçında uğur qazanmaq şansları barədə danışıb. Azerisport.az saytına açıqlamasında o, bunları söyləyib:

"Səfərdə belə rəqiblə heç-heçə pis nəticə deyil. "Qarabağ" evdə təsadüfi hallarda uduzur. Çexiya çempionu nə qədər güclü olsa da, ağdamlıların pley-offa çıxacağına inanıram. İlk dəqiqələrdən hücuma atılsalar, tribunalardan lazım olan dəstəyi alsalar, erkən qol vura bilərlər. Erkən qol çox kömək olar. Çexlərin heyətində keçmiş komanda yoldaşım Mixaş Duriş oynayır. Onlara qarşı diqqətli oynamaq lazımdır. "Qarabağ"a uğurlar".