Klublarımızın UEFA reytinqində mövqeyi
UEFA Çempionlar Liqasının və Avropa Liqasının üçüncü təsnifat mərhələsinin ilk oyunlarından sonra qitənin futbol klublarının yeni reytinq cədvəli açıqlanıb. Azerisport.az xəbər verir ki, Azərbaycan klublarından da yeddisi bu siyahıda yer alıb.
Ən yaxşı göstərici yenə "Qarabağ"a məxsusdur. Ağdam klubu 14.125 xalla 116-cıdır. Avrokuboklarda mübarizəni davam etdirən digər təmsilçimiz - "Qəbələ" isə 6.375 xalla 199-cu pillədə qərarlaşıb.
Klublarımızın rəqiblərinə gəlincə, "Qarabağ"ın avqustun 2-də Bakıda qəbul edəcəyi (ilk oyun 0:0) Çexiya "Viktoriya"sı 36.175 xalla 48-cidir. "Qəbələ"nin avqustun 4-də qarşılaşacağı (ilk oyun 1:1) Fransanın "Lill" klubu isə 19.749 xalla 86-cıdır.
Azərbaycanın digər klublarına gəlincə, "Neftçi" (9.375) 156-cı, "İnter" (5.625) 217-ci, "Xəzər Lənkəran" (4.125) 284-cü, "Kəpəz" (3.625) 309-cu, "Bakı" (3.375) 318-cidir.
