Qəbələnin Fransaya səfər planı açıqlandı

Avropa Liqasının üçüncü təsnifat mərhələsində Fransanın "Lill" klubu ilə qarşılaşacaq "Qəbələ"nin səfər planlarına aydınlıq gəlib. Azerisport.az xəbər verir ki, Roman Qriqorçukun çalışdırdığı komanda səfərə iyulun 26-da çıxacaq.

Saat 13:05-də komanda üzvləri Bakı-İstanbul-Brüssel reysi ilə Belçikaya gedəcək. Buna səbəb Lillə beynəlxalq reysin olmamasıdır. Komanda Brüsseldən Lillə avtobusla yollanacaq.

Qeyd edək ki, "Lill" ilə "Qəbələ" arasındakı ilk oyun iyulun 28-də keçiriləcək. Cavab matçı isə bir həftə sonra - avqustun 4-də Bakıda baş tutacaq.