Nazarov oynadı, komandası uduzdu

Almaniyanın "Ersgebirge" klubu növbəti yoxlama oyununda qüvvəsini sınayıb. Azerisport.az xəbər verir ki, Azərbaycan millisinin futbolçusu Dmitri Nazarovun şərəfini qoruduğu ikinci bundesliqa təmsilçisi Regional Liqada çıxış edən "Essen"lə üz-üzə gəlib.

Matç Nazarovun komandasının minimal hesablı məğlubiyyəti ilə yekunlaşıb. Fasiləyə 1:0 hesabı ilə üstün yollanan "Ersgebirge" ikinci hissədə iki top buraxmaqla görüşdən məğlub ayrılıb - 1:2.

Start heyətdə meydana çıxan Nazarov 69-cu dəqiqədə əvəzlənib.